Кеча суперлига 17-туридан ўрин олган “Локомотив” – “Насаф” жамоалари ўртасидаги учрашув бўлиб ўтди.

Ушбу баҳсда “темирйўлчилар” рақибларини 3:1 ҳисобида мағлубиятга учратишди. Қизиқарли кечган ўйиндан сўнг “Локомотив” клуби футболчиси Санжар Шоаҳмедов ўз фикрларини билдириб ўтди.

“Насаф” жамоасига қарши жуда ҳам қийин учрашувни ўтказдик. Тезкор ва қизиқарли ўйин бўлди. Биз 3 очко олиш учун ҳаракат қилдик. Рақибларимиз ҳам ҳужумкор ўйин кўрсатди, ҳимояга ётиб олгани йўқ.

“Аждарлар” ҳисобни тенглаштирган вазиятда ҳимояга ётиб олиши мумкин эди, аммо улар бундай қилмади. Аксинча, бор эътиборини ҳужумга қаратди. “Насаф” жамоасининг майдонга тушган таркиби етакчи футболчиларнинг йўқлигини билдирмади”, - дейди Санжар Шоаҳмедов.

Жаҳонгир Сотволдиев ёзиб олди