Kecha Karima Yo‘ldosheva shogirdlari “Neftchi” klubining ayollar jamoasiga qarshi nazorat uchrashuvida maydonga tushib, 3:2 hisobida g‘alaba qozonishdi.
Bugun futbolchi qizlar Namanganda joylashgan 26-sonli Mehribonlik uyiga qarashli “Mehrjon” oromgohiga tashrif buyurib, bu yerda tarbiyalanayotgan bolalar holidan xabar olishdi.
Terma jamoa a’zolari bolajonlar bilan turli sport tadbirlarida ishtirok etishdi, jumladan, shaxmat-shashka va stol tennisi bo‘yicha musobaqalar uyushtirildi. Shuningdek, futbolchi qizlar bolalarga master-klasslar o‘tkazib berishdi.
Tadbir so‘nggida mehribonlik uyi tarbiyalanuvchilariga O‘zbekiston futbol assosiasiyasi nomidan turli sovg‘alar topshirildi.
