Кеча Карима Йўлдошева шогирдлари “Нефтчи” клубининг аёллар жамоасига қарши назорат учрашувида майдонга тушиб, 3:2 ҳисобида ғалаба қозонишди.
Бугун футболчи қизлар Наманганда жойлашган 26-сонли Меҳрибонлик уйига қарашли “Меҳржон” оромгоҳига ташриф буюриб, бу ерда тарбияланаётган болалар ҳолидан хабар олишди.
Терма жамоа аъзолари болажонлар билан турли спорт тадбирларида иштирок этишди, жумладан, шахмат-шашка ва стол тенниси бўйича мусобақалар уюштирилди. Шунингдек, футболчи қизлар болаларга мастер-класслар ўтказиб беришди.
Тадбир сўнггида меҳрибонлик уйи тарбияланувчиларига Ўзбекистон футбол ассоциацияси номидан турли совғалар топширилди.
