Superliga 18-turidan o‘rin olgan  “Nasaf” – “Qo‘qon-1912” uchrashuvidan keyingi matbuot anjumanining birinchi qismida No‘mon Hasanov ishtirok etdi.

- O‘yinning guvohi bo‘ldilaring, “Nasaf” haqli ravishda g‘alaba qozondi. “Ajdarlar”ni g‘alaba bilan tabriklayman. Jamoada yosh futbolchilar ko‘p bo‘lishiga qaramay, bugun maydon egalari yaxshi o‘ynashdi.

Bugun bizni o‘yinimiz qovushmadi. Balki tig‘iz taqvim tufayli shunday bo‘ldimi? Havoning issiqligi ta’sir qildimi? Men ikkita hujumchi bilan o‘ynashni yaxshi ko‘raman. Gol o‘tkazib yuborgach, maydonga ikkinchi hujumchi Asadovni tushirdim. Vaziyatdan chiqib ketishga harakat qildik. Lekin mag‘lubiyatdan qutula olmadik.  Bundan oldingi uchta bahsni futbolchilarim yaxshi o‘tkazishdi. “Loko”ga yutqazib qo‘ygan bo‘lsak ham shogirdlarimning o‘yinidan qoniqish hosil qildim.

Hozir chempionatda  oson o‘yinning o‘zi yo‘q. Superligada oson o‘yin qolmadi. Har bir uchrashuv shiddatli kechmoqda. Jamoalar har bir ochko uchun qizg‘in kurash bo‘lmoqda.  Hammamizning niyatimiz yaxshi o‘yin ko‘rsatish, muxlislarni xursand etish.

O‘zbek futbolchi uchun legionerlar kerak deb hisoblayman. Masalan, Qo‘qonga kelgan xorijiy futbolchilar ko‘p narsalarda bizga namuna bo‘lishdi. Shunday ekan ularning foydasi ko‘p tegadi deb o‘ylayman.