Superliga 18-turi doirasidagi «Bunyodkor» hamda «Navbahor» jamoalari o‘rtasidagi bahs o‘z poyoniga yetdi.
Qiziqarli uchrashuvda 2:1 hisobida mezbonlarning qo‘li baland keldi. O‘yinni «lochinlar» juda faol tarzda boshlab, mezbonlar darvozasi oldida qator vaziyatlar yaratishdi. «Bunyodkor» ham bo‘sh kelmagan holda o‘z hamlalari bilan javob qaytarib turdi.
30-daqiqaga kelib, Ro‘zim Ahmedov hisobni ochishga muvaffaq bo‘ldi, ammo namanganliklarning xursandchiligi ko‘pka cho‘zilmadi. Aniqrog‘i, 36-daqiqada Dilshod Ahmadaliyevning bergan zarbasi rekashet natijasida «Navbahor» darvozasidan joy oldi.
Shu tariqa, birinchi bo‘lim 1:1 hisobida yakuniga yetdi.
Ikkinchi bo‘lim ham shiddatli tarzda boshlandi. 58-daqiqada «Bunyodkor» qarshi hujumga o‘tib ketdi va Javlon Ibrohimovning pasidan so‘ng Filip Rayevas darvozabon bilan yakkama-yakka chiqib bordi hamda Akbar To‘rayevning ustidan to‘pni oshirib darvozani ishg‘ol qildi.
Mazkur goldan so‘ng namanganliklar har qancha urinishmasin hisobni tenglashtira olmadilar va uchrashuv 2:1 hisobida «qaldirg‘ochlar» foydasiga hal bo‘ldi.
PEPSI SUPERLIGA. 18-TUR
BUNYODKOR – NAVBAHOR - 2:1 (1:1)
Hakamlar: Vadim Agishev, Artyom Kalinin, Husniddin Shodmonov, Ahmadjon Ergashev.
Gollar: Dilshod Ahmadaliyev (38), Filip Rayevas (57) - Ro‘zim Ahmedov (32).
Bunyodkor: Suhrob Sultonov, Rustam Ashurmatov, Akram Komilov, Anvar G‘ofurov (Dilshod Jo‘rayev, 41), Dilshod Ahmadaliyev (Mirg‘iyos Sulaymonov, 61), Javlon Ibrohimov, Murod Toshmatov, Sardor Sobirxo‘jayev, Xurshid G‘iyosov, Mirjamol Qosimov (Aziz Haydarov, 72), Filip Rayevas.
Navbahor: Akbar To‘rayev, Oston O‘runov, Sherzod Karimov (Ilhom Boydedayev, 80), Aziz Turg‘unboyev, Sardor Sulaymonov, Mirzohid G‘ofurov, A’zam Aliyev, Ro‘zim Ahmedov (Darko Nikach, 62), Davron Hoshimov, Jahongir Mehmonov, Darko Stanoyevich.
Ogohlantirish: Sardor Sobirxo‘jayev (73).
