"Navbahor" - "Paxtakor" uchrashuvidan so‘ng (1:0) poytaxtliklar bosh murabbiyi Shota Arveladze ishtirokida matbot anjumani bo‘lib o‘tdi.

"Muxlislar bilan to‘lgan stadionda o‘ynash hamisha maroqli. Yanada ajoyib futbol muhitiga o‘ta yomon maydon xalal bermoqda. Biz o‘yinda yaxshiroq ko‘rindik, mag‘lubiyatga loyiq emasdik. Vaziyatlarimiz ko‘p bo‘ldi. Gol o‘tkazib yuborgach, o‘n daqiqacha o‘zimizni yo‘qotib qo‘ydik. Oxirgi daqiqalarda yana imkoniyatlarni qo‘ldan chiqardik

Gollandiya, Angliya yoki Belgiyada xorijdan hakam taklif etishganini ko‘rmaganman. Bu yerda chet eldan hakam taklif etishga sabab bo‘ladigan nimalar ro‘y berganini bilmayman. Buni yaxshilash yoki yomonlash niyatida emasman.

Jamoalar turlicha holatda edi. Uyingda muxlislar qarshisi va senga tanish muhitda harakat qilish osonroq

Stadionda sharoit ajoyib, ammo maydon holati uning yaxshi bo‘lishiga xalal bermoqda. O‘zbekistonning bo‘lajak yulduzlari bu yerda jarohat olishlari mumkin. Turg‘unboyev nega jarohat olganini bilmaymiz, balki maydon sabab bo‘lgandir. Shunchaki barchasini yaxshi holatga olib chiqish kerak", - deydi Arveladze.