AGMK - "Qizilqum" uchrashuvidan so‘ng mezbonlar ustozi Baxtiyor Ashurmatov quyidagicha fikr bildirdi:

- Umid qilamanki, bugungi uchrashuv muxlislarimizga manzur bo‘ldi. Mana 3 ta o‘yindagi g‘alaba sekin-asta ishqibozlarimizni stadionimizga qaytarishda turtki bo‘lsa ajab emas. Bu eng asosiy maqsadlarimizdan biri. Qolaversa, so‘nggi o‘yinlardagi g‘alabalar yigitlarga shijoat va ishonch beradi. Shogirdlarimdan mamnunman. Ularga bugungi o‘yin uchun tashakkur. Shuningdek, bizni qo‘llab-quvvatlash uchun tashrif buyurgan barcha muxlislarga ham rahmat aytaman. Rostini aytsam, uchrashuv oldidan raqib jamoa tarkibidagi tajribali futbolchilardan biroz hadiksirab turgan edim. Lekin yigitlar bugun ishonchli harakat qilib, raqibga imkon qoldirishmadi, - dedi mutaxassis.