Kecha superliganing 20-turidan o‘rin olgan uchrashuvi bo‘lib o‘tdi. Unda Toshkentning «Bunyodkor» jamoasi o‘z uyida Qo‘qonning «Qo‘qon-1912» jamoasiga qarshi bahs olib bordi va 1:3 hisobida imkoniyatni boy berib qo‘ydi.
Ushbu uchrashuvdan so‘ng «Qo‘qon-1912» klubi futbolchisi Quvondiq Ro‘ziyev o‘z fikrlarini bildirib o‘tdi.
«Bunyodkor»ga qarshi uchrashuvda g‘alaba qozonish biz uchun juda ham muhim edi. Chunki, chempionlik yo‘lida kuchli oltilikka kirishimiz ushbu o‘yinga bog‘liq edi. Xuddi so‘ngi bor futbol o‘ynayotgandek bahs olib bordik va maqsadimizga erishdik.
Bu yerda murabbiylarning qo‘llagan taktikasi ham katta yordam berdi. Ushbu uchrashuvda biz g‘alaba qozonishga haqli edik. G‘alabaga bo‘lgan ishtiyoq bizda kuchli edi. shuning uchun ham yakunda raqibimizni mag‘lubiyatga uchratdik.
Ushbu bahsdan oldin «Bunyodkor»ni o‘yin uslubini o‘rganib chiqdik. To‘g‘risini aytsam «Qaldirg‘ochlar»ning o‘yin uslubi juda ham yuqori darajada. Ular bir-birini juda ham yaxshi tushunib o‘ynaydi. Biz bundan hadiksirab turgandik. Shuning uchun ham ushbu o‘yin qiyin bo‘ldi», - deydi Quvondiq Ro‘ziyev
Jahongir Sotvoldiyev yozib oldi.
