Kecha o‘z qarorgohlarida yig‘ilgan “Qo‘qon-1912” a’zolari Superliganing navbatdagi tur uchrashuviga tayyorgarlikni boshlab yubordi.
Futbolchilar "Markaziy" stadionda mashg‘ulotlarni o‘tkazishdi. Oldingi turlarda ketma-ket qozonilgan g‘alabalardan so‘ng futbolchilarning kayfiyatlari a’lo darajada. Mashg‘ulotlar ham shunga yarasha ko‘tarinki ruhda bo‘lib o‘tmoqda.
Kechagi mashg‘ulotlarda O‘zbekistonning turli terma jamoalari tarkibiga chaqirilgan Oybek Rustamov, Javohir Sidiqov hamda darvozabon Sarvar Karimovlar ishtirok etmadi. Qolgan barcha futbolchilar bo‘lajak uchrashuvga jiddiy tayrgarlik olib bormoqda.
“Qo‘qon-1912”ni 12 avgust kuni respublikaning grand jamoasi Toshkentning "Paxtakor" klubi bilan bo‘ladigan uchrashuv kutib turibdi.
