Кеча ўз қароргоҳларида йиғилган “Қўқон-1912” аъзолари Суперлиганинг навбатдаги тур учрашувига тайёргарликни бошлаб юборди.
Футболчилар "Марказий" стадионда машғулотларни ўтказишди. Олдинги турларда кетма-кет қозонилган ғалабалардан сўнг футболчиларнинг кайфиятлари аъло даражада. Машғулотлар ҳам шунга яраша кўтаринки руҳда бўлиб ўтмоқда.
Кечаги машғулотларда Ўзбекистоннинг турли терма жамоалари таркибига чақирилган Ойбек Рустамов, Жавоҳир Сидиқов ҳамда дарвозабон Сарвар Каримовлар иштирок этмади. Қолган барча футболчилар бўлажак учрашувга жиддий тайргарлик олиб бормоқда.
“Қўқон-1912”ни 12 август куни республиканинг гранд жамоаси Тошкентнинг "Пахтакор" клуби билан бўладиган учрашув кутиб турибди.
