28 iyul kuni 19-tur doirasida «Neftchi»ni 1:0 hisobida yenggan «Metallurg» milliy chempionatimiz elit ligasidagi g‘alabalari sonini 200taga yetkazib qo‘ydi.
Bekobod klubi 100-g‘alabasini bundan yaqin 10 yil muqaddam, ya’ni 2008 yilning 13 sentyabr kuni «Lokomotiv»ga qarshi bahs (1:0)da nishonlagandi. «Metallurg» ayni payt g‘alabalar soni bo‘yicha 12-yaxshi ko‘rsatkichga ega.
Undan keyingi o‘rinlarda «Lokomotiv» (194ta) va «Qo‘qon-1912» (140ta) bor. Umuman, bekobodliklar shu mavsumning o‘zida 125-durangni qayd etishlari, hattoki, 1000-golni qo‘yib yuborishlari mumkin.
Ayni payt turnir jadvalining 7-pog‘onasini band etib turgan «Metallurg» Superliganing joriy mavsumida 7 marta g‘alaba qozondi.
Umuman olganda, elit ligada jami 603ta o‘yin o‘tkazgan jamoa o‘rtachadan pastroq statistikaga ega: 200tag‘alaba, 124tadurang, 279tamag‘lubiyat. To‘plar nisbati - 755-953. «Metallurg» jami o‘yinlaridan 33,17 foizini o‘z foydasiga hal qilgan.
Ilk g‘alaba: 1998 yil 28 mart. 3-tur. «Metallurg» - MHSK - 3:1
100-g‘alaba: 2008 yil 13 sentyabr. 20-tur. «Metallurg» - «Lokomotiv» - 1:0
200-g‘alaba: 2018 yil 28 iyul. 19-tur. «Metallurg» - «Neftchi» - 1:0
Eng yaxshi mavsum: 2002 yil - 5-o‘rin (14ta g‘alaba)
Eng yomon mavsum: 2007 yil - 15-o‘rin (6ta g‘alaba)
Eng yirik g‘alabalar: 2001 yil 13 noyabr. «Metallurg» - «Semurg‘» - 6:0; 2006 yil 30 sentyabr. «Metallurg» - «Xorazm» - 6:0; 2016 yil 8 avgust. «Metallurg» - «Qo‘qon-1912» - 6:0.
«Metallurg»ning 200ta g‘alabasi xronikasi
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
