28 июль куни 19-тур доирасида «Нефтчи»ни 1:0 ҳисобида енгган «Металлург» миллий чемпионатимиз элит лигасидаги ғалабалари сонини 200тага етказиб қўйди.
Бекобод клуби 100-ғалабасини бундан яқин 10 йил муқаддам, яъни 2008 йилнинг 13 сентябрь куни «Локомотив»га қарши баҳс (1:0)да нишонлаганди. «Металлург» айни пайт ғалабалар сони бўйича 12-яхши кўрсаткичга эга.
Ундан кейинги ўринларда «Локомотив» (194та) ва «Қўқон-1912» (140та) бор. Умуман, бекободликлар шу мавсумнинг ўзида 125-дурангни қайд этишлари, ҳаттоки, 1000-голни қўйиб юборишлари мумкин.
Айни пайт турнир жадвалининг 7-поғонасини банд этиб турган «Металлург» Суперлиганинг жорий мавсумида 7 марта ғалаба қозонди.
Умуман олганда, элит лигада жами 603та ўйин ўтказган жамоа ўртачадан пастроқ статистикага эга: 200тағалаба, 124тадуранг, 279тамағлубият. Тўплар нисбати - 755-953. «Металлург» жами ўйинларидан 33,17 фоизини ўз фойдасига ҳал қилган.
Илк ғалаба: 1998 йил 28 март. 3-тур. «Металлург» - МҲСК - 3:1
100-ғалаба: 2008 йил 13 сентябрь. 20-тур. «Металлург» - «Локомотив» - 1:0
200-ғалаба: 2018 йил 28 июль. 19-тур. «Металлург» - «Нефтчи» - 1:0
Энг яхши мавсум: 2002 йил - 5-ўрин (14та ғалаба)
Энг ёмон мавсум: 2007 йил - 15-ўрин (6та ғалаба)
Энг йирик ғалабалар: 2001 йил 13 ноябрь. «Металлург» - «Семурғ» - 6:0; 2006 йил 30 сентябрь. «Металлург» - «Хоразм» - 6:0; 2016 йил 8 август. «Металлург» - «Қўқон-1912» - 6:0.
«Металлург»нинг 200та ғалабаси хроникаси
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
