"Metallurg" – "Qizilqum" uchrashuvidan so‘ng mehmonlar ustozi Hamidjon Aktamov quyidagicha fikr bildirdi:

- Bugun jamoamiz chiroyli o‘yin namoyish etdi. Lekin hakamlik borasida yaxshi fikrlar bildira olmayman. Hasan Ro‘ziyev bir nechta qo‘pol xatolarga yo‘l qo‘ydi, deb hisoblayman. Aynan hakamlarning xatolari tufayli jamoamiz yakunda imkoniyatni boy berdi. Futbolimizni yaxshi saviyaga olib chiqish uchun harakat qilinayotgan bir pallada hakamlarning bunday qo‘pol xatolarga yo‘l qo‘yishi yaxshi emas, - dedi mutaxassis.