Ayni paytda professional ringda faoliyatini davom ettirayotgan bokschimiz Shahram G‘iyosov navbatdagi jangi oldidan o‘z fikrlarini bildirib o‘tdi.
«Jangga tayyorgarlik jiddiy ravishda davom etmoqda. Raqib oddiy emas. 38ta jang o‘tkazgan va ularning 31tasida g‘alabaga erishgan. Otam va amakim doimo ta’kidlab kelishadi: «cho‘qqiga oson yo‘l bilan chiqib bo‘lmaydi. Eng zo‘ri bo‘lish uchun kuchlilarni mag‘lub etish kerak». Menda o‘zim intilayotgan aniq maqsad bor. O‘z odatimga yarasha chiroyli jang ko‘rsatib, g‘alaba qozonmoqchiman», – dedi Shahram G‘iyosov.
Eslatib o‘tamiz, 17 avgust kuni (Toshkentda 18 avgust tongda) Kaliforniyada bo‘lib o‘tadigan jangda Shahramga ganalik Albert Mensa raqiblik qiladi.
