Superliga o‘yinlari hal qiluvchi pallaga yetib keldi.

Yana bir turdan so‘ng jamoalar ikki guruhga bo‘linadilar. "Qo‘qon-1912"  jamoasida kuchli oltilikka kirish uchun so‘nggi imkoniyat bor. Navbatdagi tur uchrashuvida Farg‘ona viloyatining ikki jamoasi o‘zaro kuch sinashadilar. Bu safargi  viloyat "derbi" si har qachongidanda  muhimligi bilan ajralib turadi. "Qo‘qon-1912" - "Neftchi" o‘yinining natijasi nafaqat ikkala klub uchun , balki butun chempionat uchun ham muhim hisoblanadi.

"Qo‘qon-1912"  jamoasining murabbiylar shtabi , ushbu uchrashuvga futbolchilarni har tomonlama tayyor bo‘lishlari uchun astoydil mehnat qilishmoqda. Jamoa kuchli oltilikka kirish uchun oxirigacha kurashadilar.  "Paxtakor"ga qarshi bo‘lib o‘tgan o‘yindan farqli o‘laroq , Farg‘onadagi uchrashuvda jamoa hujumchisi Jasur Hakimovham maydonga tusha oladi. Birgina yo‘qotish bu Javohir Sidiqov . Lekin so‘nggi uchrashuvda ko‘rdikki maydonda Quvondiq Ro‘ziyev , Iqbol Malikjonov singari futbolchilar Sidiqovni yo‘qligini bilintirmaslikka intilmoqdalar.

"Neftchi" - "Qo‘qon-1912"  uchrashuvi 17 avgust kuni, soat 20-30 da Farg‘onadagi "Istiqlol" stadionida start oladi.