Суперлига ўйинлари ҳал қилувчи паллага етиб келди.

Яна бир турдан сўнг жамоалар икки гуруҳга бўлинадилар. "Қўқон-1912"  жамоасида кучли олтиликка кириш учун сўнгги имконият бор. Навбатдаги тур учрашувида Фарғона вилоятининг икки жамоаси ўзаро куч синашадилар. Бу сафарги  вилоят "дерби" си ҳар қачонгиданда  муҳимлиги билан ажралиб туради. "Қўқон-1912" - "Нефтчи" ўйинининг натижаси нафақат иккала клуб учун , балки бутун чемпионат учун ҳам муҳим ҳисобланади.

"Қўқон-1912"  жамоасининг мураббийлар штаби , ушбу учрашувга футболчиларни ҳар томонлама тайёр бўлишлари учун астойдил меҳнат қилишмоқда. Жамоа кучли олтиликка кириш учун охиригача курашадилар.  "Пахтакор"га қарши бўлиб ўтган ўйиндан фарқли ўлароқ , Фарғонадаги учрашувда жамоа ҳужумчиси Жасур Ҳакимовҳам майдонга туша олади. Биргина йўқотиш бу Жавоҳир Сидиқов . Лекин сўнгги учрашувда кўрдикки майдонда Қувондиқ Рўзиев , Иқбол Маликжонов сингари футболчилар Сидиқовни йўқлигини билинтирмасликка интилмоқдалар.

"Нефтчи" - "Қўқон-1912"  учрашуви 17 август куни, соат 20-30 да Фарғонадаги "Истиқлол" стадионида старт олади.