O‘zbekiston futbol assosiasiyasi birinchi vise prezidenti Umid Ahmadjonov tomonidan yil boshida tasdiqlangan taqvim rejasiga ko‘ra, 2018 yil davomida bolalar va o‘smirlar o‘rtasida 1000ta musobaqa o‘tkazish belgilangan edi.
Bugungi kunga kelib o‘tkazilgan musobaqalar soni 600 tadan oshib ketdi. Shunday musobaqalardan navbatdagisi O‘zbekiston Respublikasi Mustaqilligining 27 yillik tantanasi hamda “Paxtakor – 79” xotirasiga bag‘ishlab 2010-2011 yillarda tug‘ilgan futbolchilar o‘rtasida Buxoro viloyatida bo‘lib o‘tdi. Musobaqada jami 4 jamoa g‘oliblik uchun kurash olib bordi.
Yurtimizda yozning jazirama kunlari hukmronlik qilayotgan bo‘lishiga qaramay, yosh futbolchilar o‘rtasidagi uchrashuvlar qizg‘in kurashlar ostida o‘tdi.
Musobaqada PFK “Buxoro” jamoasi g‘olib chiqqan bo‘lsa, 2-o‘rin “Intersport” (Toshkent) jamoasiga, 3- o‘rin esa BO‘FM-28 jamoasiga nasib etdi. Musobaqa yakunida barcha ishtirokchilar O‘FA, Buxoro futbol assosiasiyasi, PFK “Buxoro” tomonidan Kubok, medal, diplom va esdalik sovg‘alari bilan taqdirlandilar.
Quyida musobaqada qayd etilgan natijalar bilan tanishtirib o‘tamiz:
Intersport (Toshkent) - BO‘FM-28 4:2
PFK Buxoro – IBO‘FM-3 2:0
Intersport (Toshkent) - IBO‘FM-3 4:0
PFK Buxoro – BO‘FM-28 1:1
Intersport (Toshkent) - PFK "Buxoro" 1:2
BO‘FM-28 – IBO‘FM-3 4:0
