“Neftchi”  - “Qo‘qon-1912” uchrashuvidan keyingi matbuot anjumanining ikkinchi qismida mezbonlar ustozi Bahrom Haydarov va “Neftchi” posboni Muzaffar Abdullayevlar qatnashishdi.

Bahrom Haydarov: - “Vodiy derbisi” har doim keskin kurashlar ostida o‘tib kelgan. Bugun ham shunday bo‘ldi. Boshida biroz tashabbusga ega bo‘ldik. Keyin yosh futbolchilarimizga qandaydir tajriba yetishmadimi, biroz ustunlikni berib qo‘ydik. Bugun shogirdlarimiz maydonda borlarini berib o‘ynashdi. Raqibimizning qizil kartochka olgani o‘yinga o‘z ta’siri o‘tkazdi. Darvozabonimizning penaltini olib chiqqani ham ruhiy dalda bo‘ldi. Omad bugun biz tomonda bo‘ldi. Zahiradan maydonga tushgan futbolchilarimiz ham o‘yinga yaxshi kirishib ketishdi. Umuman bugun barcha futbolchilarimning o‘yinlariga e’tirozim yo‘q. “Qo‘qon-1912” jamoasiga keyingi o‘yinlarda omad tilayman.

Muzaffar Abdullayev: - Bu o‘yinga yaxshi tayyogarlik ko‘rgandik. G‘alaba qozonganimizdan xursandman. Penalti bu lotoreya bugun mening omadim keldi. “Qo‘qon-1912” jamoasiga keyingi bahslarda omad tilayman.