Angliya terma jamoasining sobiq bosh murabbiyi Sem Ellardays APLning 3-turida "Manchester Yunayted" - "Tottenhem" (0:3) uchrashuviga sharh berdi.

"Yunayted" 57% vaqtda to‘pga egalik qildi, 23 marta zarba berdi, ulardan 5 tasi darvoza sohasiga aniq bordi. "Tottenhem" 43% to‘pga egalik qildi, 9 ta zarba va ulardan 5 tasi aniq. Shunday ekan, ular g‘alabasining yagona sababi - samaradorlik. Boshqa istalgan kun natija boshqacha bo‘lishi mumkin edi.

Agar jamoa o‘z maydonida 23 marta zarba berar ekan va gol urolmas ekan, bunda murabbiyning aybi yo‘q. Ammo natijada hamma ayblovlar uning zimmasiga tushadi. Mourinyo o‘z jamoasini hujumkor o‘yinga shaylagan, ular yetarli vaziyatlar yaratishdi. Ammo ular bundan foydalana olmadilar va himoyadagi kuchsiz o‘yindan jabr chekdilar.

Albatta, bu halokat, chunki hisob 0:3. Hozir hamma jazavada, faktlarga hech kim e’tibor bermaydi, hamma uchun hisob muhim. Faktlar esa shunday: "Yunayted" "Tottenhem"dan ko‘proq yaratdi, ular raqibdan ustun bo‘lishdi, ammo imkoniyatni boy berdilar", - deydi Ellardays.