Indoneziyaning Jakarta va Palembang shaharlarida bo‘lib o‘tayotgan Osiyo O‘yinlarining navbatdagi o‘n birinchi kunida o‘zbekistonlik sportchilari o‘z ishtiroklarini boshlab yuborishdi.

Ayollar yettikurashida atletlar beshinchi va oltinchi yo‘nalish bo‘yicha bahslarda ishtirok etishdi. Uzunlikka sakrash bahslarida ishtirok etgan Voronina 5.64 metr natija bilan 8-o‘rindan joy oldi va 741 ochko ishlab oldi. Hamyurtimiz uchta urinishdan ikkitasida sakrash chizig‘ini bosib olgani tufayli, uning natijalari inobatga olinmadi. Aks holda Voronina yaxshiroq natija qayd etishi mumkin edi.

Shundan so‘ng sportchilar nayza uloqtirish bahslarida o‘z ishtirok etishdi. Unda Voronina 49.91 metrlik natijani qayd etdi. Bu esa ikkinchi eng yaxshi natija bo‘lib unga 858 ochko ishlab berdi. Umumiy jadvalda Voronina 4931 ochko bilan 5-pog‘onadan joy olgan. Eslatib o‘tamiz, ayollar yetti kurashi bahslariga 800 metrga yugurish musobaqasi yakun yasab beradi. Yekaterina unda yuqori natija ko‘rsatsa, bronza medalini qo‘lga kiritish imkoniyatiga ega bo‘ladi.