Индонезиянинг Жакарта ва Палембанг шаҳарларида бўлиб ўтаётган Осиё Ўйинларининг навбатдаги ўн биринчи кунида ўзбекистонлик спортчилари ўз иштирокларини бошлаб юборишди.

Аёллар еттикурашида атлетлар бешинчи ва олтинчи йўналиш бўйича баҳсларда иштирок этишди. Узунликка сакраш баҳсларида иштирок этган Воронина 5.64 метр натижа билан 8-ўриндан жой олди ва 741 очко ишлаб олди. Ҳамюртимиз учта уринишдан иккитасида сакраш чизиғини босиб олгани туфайли, унинг натижалари инобатга олинмади. Акс ҳолда Воронина яхшироқ натижа қайд этиши мумкин эди.

Шундан сўнг спортчилар найза улоқтириш баҳсларида ўз иштирок этишди. Унда Воронина 49.91 метрлик натижани қайд этди. Бу эса иккинчи энг яхши натижа бўлиб унга 858 очко ишлаб берди. Умумий жадвалда Воронина 4931 очко билан 5-поғонадан жой олган. Эслатиб ўтамиз, аёллар етти кураши баҳсларига 800 метрга югуриш мусобақаси якун ясаб беради. Екатерина унда юқори натижа кўрсатса, бронза медалини қўлга киритиш имкониятига эга бўлади.