7-9 sentyabr kunlari Qozog‘istonning Atirau shahrida taekvondo WTF bo‘yicha Qozog‘iston I Ochiq chempionati reyting musobaqasi bo‘lib o‘tdi.
Bahslarda 15 mamlakatdan 376 nafar sportchi sovrinli o‘rinlar uchun kurash olib borishdi. Terma jamoamiz a’zolari bellashuvlarda muvaffaqiyatli ishtirok etishdi va 4ta oltin, 2ta kumush va 1ta bronza medallarini qo‘lga kiritishdi.
Hamyurtlarimiz orasida quyidagi sportchilar sovrindor bo‘lishdi:
Oltin medal:
Charos Qayumova
Madinabonu Mannopova
Shohrux Rajabov
Abror To‘rayev
Kumush medal:
Shuhrat Salayev
Shahboz Do‘smatov
Bronza medal:
Temur Uralov
Ushbu musobaqa orqali sportchilarimiz Tokiodagi Olimpiya o‘yinlariga reyting ochkolari yig‘ishni boshlashdi. Ikki yil davomida shu kabi reyting musobaqalar yordamida taekvondochilarimiz qimmatli ochkolarni to‘plab borishadi va yakunda eng yaxshi reyting ko‘rsatkichlariga ega bo‘lgan sportchilar 2020 yilgi Olimpiya o‘yinlariga lisenziyani qo‘lga kiritishadi.
