Yil boshida O‘zbekiston futbol Assosiasiyasining birinchi vise-prezidenti Umid Ahmadjonov tomonidan 2018 yilda 1000ta musobaqa o‘tkazilishi aytilgan edi.

2018 yilning 10 sentyabr sanasiga qadar qilingan hisob kitoblarga ko‘ra, yil davomida O‘FA va hududiy Assosiasiyalar bilan hamkorlikda 730ta musobaqa o‘tkazib bo‘lindi. Eng quvonarlisi shundaki, musobaqalar endi faqat poytaxt bilan cheklanib qolmayapti, balki butun Respublikani o‘z ichiga olgan holda chekka-chekka qishloqlarga ham kirib bormoqda.

O‘zbekiston Respublikasi Vazirlar Mahkamasining qarori asosida mahalla yoshlari orasida o‘tkazilgan "Charm To‘p" musobaqasida 15 000 nafardan ko‘p yoshlarni qatnashgani katta natija bo‘ldi. Avgust oyida O‘FA tomonidan Surxondaryo viloyatida “Boysun tog‘lari”, Jizzax viloyatida “Zomin kubogi”, Buxoro viloyatida “Paxtakor-79”, Xorazm viloyatida “Pahlavon Mahmud” musobaqalari yuqori saviyada o‘tkazildi.

Shuningdek, “Mustaqillik kubogi” oyligi shiori ostida Respublikamiz Mustaqilligining 27  yilligi tantanalariga bag‘ishlab barcha viloyatlarda futbol musobaqalari tashkil qilindi. Musobaqalarda ishtirok etgan jami 10 000 nafarga yaqin bolalarga O‘FA tomonidan maxsus esdalik sovg‘alari taqdim etildi.

Quyida, O‘FA  hududiy Assosiasiyalarining musobaqa o‘tkazish bo‘yicha reytingini havola qilamiz.

№  Viloyatlar  Jami 1  Andijon  54 2  Buxoro  29 3  Jizzax  53 4  Qashqadaryo  61 5  Qoraqolpog‘iston Respublikasi  45 6  Navoiy  62 7  Namangan  50 8  Samarqand  67 9  Sirdaryo  46 10  Surxondaryo  36 11  Toshkent viloyati  45 12  Toshkent shahar  100 13  Farg‘ona  42 14  Xorazm  40 Jami:  730   O‘FA oldida kuz faslida o‘tkaziladigan yana bir qator musobaqalar o‘rin olgan bo‘lib ular orasida eng katta musobaqa bu – 2001, 2002, 2003, 2004, 2005 yillarda tug‘ilgan futbolchilar o‘rtasida Respublika musobaqasi hisoblanadi.