Bugun tennis bo‘yicha "Devis Kubogi" musobaqasida pley-off bahslari boshlanadi.

O‘zbekiston terma jamoasi a’zolari jahon ligasiga chiqish uchun britaniyalik tennischilarga qarshi kortga chiqadilar.

14-16 sentyabr kunlari o‘tkaziladigan uchrashuvlar uchun O‘zbekiston terma jamoasiga quyidagi tennischilar jalb qilingan:

Denis Istomin (jahon reytingidagi o‘rni - 60)

Jo‘rabek Karimov (434)

Sanjar Fayziyev (516)

Humoyun Sultonov (536)

Farruh Do‘stov (1086).

O‘yinlar bugun start oladi. Toshkent vaqti bilan soat 17:00da O‘zbekistonning birinchi raqamli tennischisi Denis Istomin mezbonlarning ikkinchi raketkasi Daniel Evansga qarshi kortga chiqadi. Ushbu uchrashuv yakunlangach, mezbonlarning birinchi raketkasi Kemeron Norri bizning ikkinchi raqamli tennischimiz Jo‘rabek Karimov bilan hisob-kitob qiladi.

Ertaga juftlik bahslari o‘tkaziladi. Hozircha terma jamoamiz sardori Petr Lebed ushbu bahsga Denis Istomin va Sanjar Fayziyevni ro‘yxatdan o‘tkazgan. Bugungi uchrashuvlarga qarab, juftlik bellashuvlarida o‘zgarish bo‘lishi mumkin.

"Devis kubogi". Jahon ligasiga chiqish uchun pley-off o‘yinlari.

Shotlandiya. Glazgo. "Emireyts arena". Xard kort.

14-16 sentyabr. 5 ta uchrashuv.

Buyuk Britaniya - O‘zbekiston.