Italiya chempionati 4-turning barcha uchrashuvlari yakuni yetdi. Muxlislar mazkur turda qiziqarli o‘yinlar guvohiga aylanishdi. Shu qatori Ronalduning Italiya chempionatidagi ilk goli va ilk dublini ko‘rishga ham muvaffaq bo‘lishdi.

Mazkur turda chempionat peshqadami “Yuventus” o‘z maydonida ikkinchi o‘rinda borayotgan “Sassuolo”ni qabul qildi. O‘yin mezbonlarning 2:1 hisobidagi g‘alabasi bilan yakunlandi. Bu uchrashuv Ronalduning gollari va Kostaning “odobsiz” qilig‘i bilan esda qoldi.

Karlo Anchelotti shogirdlari bu safar g‘alaba qozonishdi. O‘tgan turda “Sampdoriya”dan yirik hisobda yengilgan “Napoli” bu safar “Fiorentina”ni mag‘lubiyatga uchratdi.

“Inter” ochko ulashishda davom etadi. Mazkur turda jamoa “Parma”ga imkoniyatni boy berib qo‘ydi. Jamoa 4 ta turda 4 ochko jamg‘ardi holos. “Inter” turnir jadvalida 14-pog‘onada bormoqda.

“Roma” yetti yildagi eng yomon startni amalga oshirdi. To‘rt turda Di Franchesko shogirdlari bor yoo‘g‘i 5 ochko ishlashdi. Navbatdagi 4 ta uchrashuv (“Real”, “Bolonya”, “Frozinone” va “Lasio”) Di Franchesko uchun haqiqiy sinov tariqasini o‘tab beradi.

Gonsalo Iguain “Milan” safidagi ilk golini kiritdi, biroq bu gol jamoasiga g‘alaba keltira olmadi. Klub  o‘z maydonida “Kalyari”ni yenga olmadi. Jamoa bosh murabbiyi Jennaro Gatuzzo uchrashuv haqida shunday dedi:

“Shunday jamoalarni yuta olmasak, “Milan”ni italiyaning ikkinchi yoki uchinchi klubi deyish kulgili”

“Samdoriya” rekord o‘rnatdi. Jamoa Italiya chempionatida safarda 5:0 hisobida g‘alaba qozongan ilk jamoaga aylandi. Klub safarda “Frozinone”ni yirik hisobda taslim etdi. Mazkur uchrashuvda mehmonlar safida maydonga tushgan barcha hujumchilar o‘z ismlarini tabloga yozdirib qo‘yishdi.

4-turning barcha uchrashuvlr natijalari:

Italiya chempionati 4-turdan so‘ng turnir jadvali:

Jaloliddin Qobiljonov