O‘zbekiston kubogida yarim final yo‘llanmasini qo‘lga kiritgan so‘nggi jamoaning nomi aniq bo‘ldi.

Olmaliqning AGMK klubi o‘z maydonida quyi liga jamoasi — "Mash’al"ni qabul qildi. Muborakliklar Ashurmatov shogirdlari jiddiy qarshilik ko‘rsatishdi. Hattoki, qashqadarliklar 58-daqiqada hisobni ochishga muvaffaq bo‘lishdi. Darvozabon bilan yakkama-yakka vaziyatga chiqib borgan Humoyun Murtazoyev darvozani ishg‘ol etdi.

Olmaliqliklar hisobni tenglashtirish uchun ancha ter to‘kishlariga to‘g‘ri keldi. Bahs tugashiga 11 daqiqa qolganida Kamoliddin Murzoyev yaqin masofadan mehmonlar darvozasini ishg‘ol qildi.

Qo‘shimcha bo‘limlarda esa AGMK g‘alabani ilib ketdi. 111-daqiqada Bubanya jamoasini hisobda oldinga olib chiqdi. Ikkinchi ekstra-taymga qo‘shib berilgan vaqtda "Mash’al" burchak to‘pini o‘yinga kiritdi va muborakliklar davrozaboni raqib jarima maydonchasiga yetib bordi. Natijada Jasur Hasanov bo‘sh qolgan darvozaga jamoasining uchinchi golini kiritdi va o‘yinga nuqta qo‘ydi.

Shu tariqa, O‘zbekiston kubogining yarim finalida ishtirok etadigan barcha jamoalar nomi aniq bo‘ldi: "Qo‘qon-1912", "Paxtakor", "Bunyodkor", "Mash’al". 1/2 final uchrashuvlari 27-28 sentyabr kunlari bo‘lib o‘tishi ko‘zda tutilgan.

Yarim final juftliklari “Sport” telekanali orqali jonli efirda namoyish etiladigan “Gol” ko‘rsatuvi vaqtida tashlanadigan qur’a orqali aniqlab olinadi. Ko‘rsatuv ertaga — 20 sentyabr kuni 19:40 da boshlanadi.