Italiya chempionatining 5-turi doirasida "Inter" safarda "Sampdoriya" mehmoni bo‘ldi. Muxlislar juda qiziqarli o‘yin guvohiga aylanishdi. Har ikkala jamoa hujumkor o‘yin ko‘rsatishdi, to‘p maydon markazida deyarli saqlanib qolmadi.

E’tiborli tomoni, hakamlar bu o‘yinda videotakrorlar orqali 3ta golni hisobga olishmadi. Birinchi bo‘limda "Inter" hisobni ochgandi, ammo golli hujumda ofsayd yuzaga kelgani aniqlandi.

O‘yinning 86-daqiqasida Asamoa "Sampdoriya" darvozasini ishg‘ol qildi. Biroq jamoadoshi unga pas berishdan oldin to‘p maydonni tark etgan ekan. Oradan 3 daqiqa o‘tib mezbonlar gol urishdi. Gregori Defrel darvozani ishg‘ol qilishdan avval to‘pni ofsaydda qabul qilgan ekan.

Uchrashuvga qo‘shib berilgan 4-daqiqada "Inter" g‘alaba to‘pini kiritdi. Jarima to‘pi o‘yinga kiritilganidan keyin darvozabon mushti bilan to‘pni urib yubordi. Marselo Brozovich to‘pni egalladi va 12 metrlardan kuchli zarba bilan darvozani ishg‘ol etdi.

Ushbu g‘alabadan keyin Spaletti jamoasi biroz o‘ziga keldi va 7 ochko bilan jadvalda 7-o‘ringa ko‘tarilib oldi.

Italiya A seriyasi, 5-tur
Sampdoriya – Inter 0:1 (0:0, 0:1)
Gol: 0:1 – 90 Brozovich.
Sampdoriya – Audero, Tonelli, Murru, Bereshinski, Andersen, Prat (Barreto, 59), Ekdal, Ramires (Sala, 90), Linetti (YAnkto, 59), Kualyarella, Defrel.
Inter – Xandanovich, Miranda, Shkrinyar, D`Ambrozio, Asamoa, Vesino, Brozovich, Nainggolan (Valero, 83), Kandreva (Keyta Balde, 70), Politano (Perishich, 60), Ikardi.
Ogohlantirishlar: Linetti (6), Miranda (20), Valero (90), Defrel (90), Tonelli (90).