Bugun dushanbadan seshanbaga o‘tar kechasi (Toshkent vaqti bilan 00:30) FIFA yilning eng yaxshi futbolchisi nomini e’lon qiladi.
Final uchligidan "Real" va Xorvatiya terma jamoasi yarimhimoyachisi Luka Modrich, "Yuventus" va Portugaliya terma jamoasi hujumchisi Krishtianu Ronaldu va "Liverpul" va Misr terma jamoasi hujumchisi Muhammad Saloh joy olishgan.
Shuningdek, yilning ramziy terma jamoasi, eng yaxshi gol muallifi, yil murabbiy, yil darvozaboni, eng yaxshi ayol futbolchi va ayollar jamoasi murabbiyi aniqlanadi.
Marosimni britaniyalik aktyor Idris Elba va fransiyalik jurnalist ayol Ann-Lor Bonne olib boradilar.
