Londonning «Chelsi» klubi himoyachisi David Luis APLning 6-turi doirasida «Vest Xem»ga qarshi uchrashuv natijalari (0:0) haqida o‘z fikrini bildirib o‘tdi.

"Tabiiyki, biz bunday natijadan qoniqqanimiz yo‘q. O‘z uyimizda ochko yo‘qotishga umuman haqqimiz yo‘q edi. Sekin harakat qilganimiz sababli raqib darvozasini ishg‘ol eta olmadik.

Bilasizmi, ajoyib rejaga egamiz, biroq yakshanba kuni maydondagi harakatlarimiz va g‘alabaga bo‘lgan ishtiyoqimiz past edi.

Ko‘p jamoalar bizga qarshi chuqur himoyada va tez qarshi hujumlar tashkil etishlarini tushunib turibmiz, ammo biz bunday holatda ham muammoning yechimini topishimiz kerak", — deb o‘z fikrlarini baham ko‘rib o‘tdi Luis.