«Manchester Yunayted» klubi sobiq bosh murabbiyi Devid Moyes so‘zlariga ko‘ra, mavsumni muvaffaqiyatli boshlagan «Liverpul» hali Premer-ligada g‘olib chiqishga tayyor emas.

«Qizillar» «Sautgempton»ni (3:0) mag‘lub qilib, tarixda mavsumni ilk marta eng yaxshi natijalar bilan boshlashdi. 7 o‘yin 7 g‘alaba. 6 ta uchrashuv APLda.

"Men «Liverpul» Premyer ligani yutishga hali tayyor deb o‘ylamayman. Jamoa yaxshi shakllangan, ammo o‘tmishga nazar tashlang, «Liverpul» oldin qanday bo‘lgan? O‘shanda Alonso, Maskerano, Jerrard va Torres o‘ynardi. Hozir ham yomon emas, ammo o‘tgan yillarga nisbatan qanday yaxshiligini bilmayman. Hujum chizig‘iga gap yo‘q. Har qanday raqibni shoshirib qo‘yadi. Balkim ular chempionlikni nishonlashar, lekin bu juda oson kechmaydi. Chunki Angliyada har kuni kutilmagan natijalar sodir bo‘lib turadi. Masalan: «Uotford»ning ko‘rsatayotgan o‘yinlari", – deya fikrlarini yakunladi, Moyes Sky Sport nashriga.