O‘zbekiston futbol assosiasiyasi tomonidan yurtimizda futbol murabbiyligi sohasini rivojlantirish, ularning kasbiga bo‘lgan qiziqishini orttirish, ularning malakasini muntazam oshirib borish maqsadida bir qator chora-tadbirlar amalga oshirilmoqda.   Jumladan, O‘FA tomonidan Andijon viloyatida murabbiylarning kasbiy malakasini oshirish, murabbiylik sohasidagi yangiliklar bilan muntazam tanishtirib borish maqsadida bilimlarni yangilash o‘quv kurslari tashkil qilingani haqida xabar bergan edik.   Yangi tizimga ko‘ra, bilimlarni yangilash o‘quv kurslari 2 moduldan iborat bo‘lib, 1-modul 5 kun davom etadi. 5 kun davomida murabbiylar futboldagi yangiliklardan xabardor qilinadi. So‘ngra murabbiylar bir oy davomida o‘rgangan bilimlarini ish joylarida amalda tadbiq qilishadi. 1 oylik muddat nihoyasiga yetgach, 2-modulga start beriladi va u 4 kun davom etadi. 4 kunlik muddat davomida murabbiylar amaliy hamda nazariy imtixonlar topshirib, ularga yuklatilgan vazifalarni prezentasiya tarzida himoya qilishadi.   Andijon viloyatidan so‘ng, navbatdagi murabbiylarning bilimlarini yangilash o‘quv kurslari Namanganda o‘tkazilmoqda. O‘quv kurslari OFK instruktori Usmon Toshev boshchiligida davom etmoqda. Unga instruktor yordamchisi Aleksandr Lyan hamda koordinator Dilmurod Nizomboyevlar yordam berishmoqda.