Angliya liga kubogi 3-bosqichidan o‘rin olgan “Manchester Yunayted” va “Derbi Kaunti” o‘rtasidagi uchrashuv yakuniga yetdi. Ushbu uchrashuvda Mourinyo shogirdlari Lempard boshqarayotgan jamoaga penaltilar seriyasida mag‘lub bo‘lib, keyingi bosqichga chiqish imkoniyatidan maxrum bo‘ldi.
67-daqiqada “Manchester Yunayted” klubi darvozaboni Serxio Romero “Derbi Kaunti” bilan o‘yin vaqtida jarima maydonchasidan tashqarida qo‘l bilan o‘ynagani uchun qizil kartochka olib maydonni tark etdi. Chetlatilgan Romero o‘rnini zaxiradan Xuan Matani almashtirgan posbon Li Grant egalladi.
Ta’kidlash joizki, “MYU” 59-daqiqaga qadar hisobda oldinda borayotgan edi, ammo “Liverpul”dan ijaraga olingan Xarri Uilson jarima zarbasini qoyilmaqom tarzda bajarib, hisobni tenglashtirdi.
“Derbi” so‘ngra 85-daqiqada hisobda oldinga chiqib oldi. Maruan Fellaynining qo‘shib berilgan daqiqalarda urgan goli evaziga “Yunayted”da umid qayta uyg‘ongan edi. Ammo penaltilar seriyasida Frenk Lempard, jamoasi omadli ishtirok etib, “Old Trafford”da sensasiyali g‘alabaga erishdi.
Angliya liga kubogi, 3-bosqich
Manchester Yunayted – Derbi Kaunti 2:2 (1:0, 1:2, 0:0, 0:0), penaltilar - 7:8
Gollar: 1:0 – 3 Mata, 1:1 – 59 Uilson, 1:2 – 85 Merriott, 2:2 – 90 Fellayni.
Manchester Yunayted – Romero, Bayi, Yang, Diogu Dalot, Jons, Errera (Fellayni, 63), Matich, Lingard (Fred, 63), Mata (Grant, 70), Marsyal, Lukaku.
Derbi Kaunti – Karson, Kio, Forsit, Bogl (Uizdom, 87), Tomori, Brayson, Djonson, Maunt, Uilson, Nyudjent (Merriott, 79), Bennett (Yozefzon, 77).
Penaltilar seriyasi: 1:0, 1:1, 2:1, 2:2, 3:2, 3:3, 4:3, 4:4, 5:4, 5:5, 6:5, 6:6, 7:6, 7:7, 7:8.
Ogohlantirishlar: Bennett (25), Forsit (48), Lingard (54), Matich (90).
Chetlatish: Romero (67).
