“Manchester Yunayted”ning sobiq futbolchisi Pol Ins Joze Mourinyo va Pol Pogba o‘rtasidagi mojaro haqida fikr bildirdi.

“Agar shu holat Fergyuson bilan ro‘y berganida u zudlik bilan, “Pogba ketadi. Undan tezroq qutulinglar” der edi. U bitta Pogbaning hulqini deb klubning ustidan kulishlariga yo‘l qo‘ymasdi.

Menimcha, uning taqdiri hal bo‘lib bo‘lgan u qishda jamoani tark etadi. Joze Mourinyo Pogbadan oldin ketishi haqida mish-mishlar yuribdi lekin, Ed Vudvord uni qo‘yib yuborishi qiyin.

Bunday daqiqalarda murabbiy futbolchidan nufuzi baland turishi kerak. Endi, Vudvord  Mourinyoni qo‘llab quvatlashi kerak.

Fergyuson bunday holatlarda nima qilishini aytib berishim mumkin. U Pogbani OAV xodimlari bilan gaplashishga qo‘ymasdi. Uning aytgan har bitta so‘zi OAV uchun qiziq. Ular masalani yanada chigallashtirib tashlashadi.

Fergyuson bo‘lganida Pogba “Vulverxempton”ga qarshi o‘yindan so‘ng jurnalistlarga intervyu berishga yo‘l qo‘ymasdi.

Agar Pogba 10 ta o‘yindan 10 tasida jonini berib o‘ynaganida. O‘shanda u “Manchester Yunayted” haqida gapirishga loyiqroq bo‘lar edi. Lekin u hech qachon ko‘ngildagidek o‘ynamagan.

Mourinyu va Pogba mojarosi butun futbol olamini muammosiga aylandi”, - deydi Ins.