«Real» futbolchilari Krishtianu Ronalduning ketganidan uncha xafa emaslar. Aksincha, ayrimlar bundan xursandlar, hatto...
Deylik, Garet Beyl yaqinda matbuot olamini portlatgan gaplarni tilga oldi. Uning aytishicha, «Real» Krishtianu Ronaldusiz mazmunliroq o‘ynamoqda: «Jamoamiz endi yagona ijrochi uchun o‘ynayotgani yo‘q, buning natijasida ichki muhitda nisbatan erkinlik yuzaga keldi. Boshqacha aytganda, bunday katta o‘yinchi ketgach, «Real» tabiiy ravishda o‘zgardi.
Menimcha, endi haqiqiy jamoa bo‘lib boryapmiz. Har holda, bir futbolchi uchun o‘ynashdan voz kechib, ko‘proq yaxlit kuch sifatida harakatlanyapmiz. Asosiysi, ichki muhit ancha «yumshadi». Umuman olganda, ko‘plab futbolchilar Ronalduning ketganiga salbiy -ijobiy munosabat bildirishga ulgurishdi.
- Tan olish kerak, Ronalduning yo‘qligini bilintirmaslik qiyin, axir u har mavsum chamasi 50ta gol urardi. Demoqchimanki, Krishtianu ortda qolgan yillarda o‘ta muhim o‘yinchi rolini bajardi.
U natijaga erishish yo‘lida katta yordam beruvchi qurol edi. Shunga qaramay, shaxsan men «Real»ning istiqboliga to‘liq ishonaman. Biz sovrinlar uchun kurashni davom ettiramiz, maqsadimiz - o‘z rekordimizni yaxshilash. Toni Kroos.
- Albatta, top darajadagi futbolchidan ayrilish yaxshi emas. Lekin har qanday holatda ham, «Re-al»ning asl vazifasi o‘zgarmaydi - faqat g‘alabani ko‘zlaymiz. Demakki, Ronaldusiz ham yuqoriga intilaveramiz.
Unutmaslik kerak, «Real» tarixida ne-ne saviyali futbolchilar kelib-ketishgan. Qisqasi, klubimiz har qanday alohida yulduzdan ustunroqdir. Serxio Ramos.
- Tushunarliki, ba’zi o‘yinlarda bizga Ronaldu yetishmasligi mumkin, biroq uning klubdagi davri tarixga aylanib ulgurdi. Shaxsiy fikrimcha, Krishtianudek ijrochining ketishi xohlagan jamoaga ta’sir qiladi. Kazemiro.
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
