Ispaniya chempionati 7-turidan o‘rin olgan “Barselona” “Atletik” uchrashuvi nihoyasiga yetdi. “Kamp Nou”da kechgan uchrashuvda jamoalar durrang o‘ynadi.

O‘yinning 41–daqiqasida De Markos chap qanotdan uzatib berilgan to‘pga to‘xtatmasdan zarba berib ter Stegen darvozasini ishg‘ol qildi. Shundan so‘ng tashabbus butkul mezbonlar tomoniga o‘tdi, biroq tanaffusgacha hisob o‘zgarmadi.

Ikkinchi bo‘limda kataloniyaliklar bir qator o‘zgarishlar qilishdi va bu jamoa hujumlarini yanada keskinlashtirdi. O‘yin yakunlanishi arafasida Lionel Messi o‘ng qanotdan raqib jarima maydoniga yorib kirdi va to‘pni markazga uzatdi, u yerda Munir yaqin masofadan darvozani nishonga oldi.

Shu tariqa, «Barselona» Primeradagi g‘alabasiz seriyasini uchta o‘yinga yetkazdi. «Real»dan ham ochko tortib olgan basklar bu safar ham grand klubni qiyin ahvolga solib qo‘yishdi.

La Liga, 7-tur

Barselona – Atletik 1:1 (0:1, 1:0)

Gollar: 0:1 – 41 De Markos, 1:1 – 84 Munir.

Barselona – ter Shtegen, Langle, Pike, Alba, Serdji Roberto (Buskets, 51), Koutinyo, Rakitich, Dembele (Munir, 80), Vidal (Messi, 55), Nelson Semedu, Suares.

Atletik – Mendibil, Martines (Nolaskoayn, 23), Yeray Alvares, Balensiaga, Berchiche, Benyat (San Xose, 67), Dani Garsiya, Susayeta, Raul Garsiya, De Markos, Inyaki Uilyams (Aduris, 79).

Ogohlantirishlar: Yeray Alvares (48), Rakitich (78), Buskets (89), Dani Garsiya (90), Nolaskoayn (90).