Kecha bo‘lib o‘tgan “Yuventus” – “Napoli uchrashuvida Krishtianu Ronaldu gol urolmadi. Lekin, barcha gollarda ishtirok etdi (ikkita assist va Manjukichni qulay vaziyatga olib chiqdi.

Ronaldu joriy mavsum 4 ta golli uzatmani amalga oshirib “A” seriyada yetakchiga aylanib oldi. “Real”da uni egoizmda ayblashardi – Krishtianu jamoasi g‘alaba qozonib, o‘zi gol urolmasa jahli chiqardi.

Mavsum startida Ronaldu o‘zgargani yaqqol ko‘rinib turibdi. Buni hatto raqamlar ham tasdiqlab isbotlaydi.

Shubhasiz portugaliyalik futbolchi Italiyada Ispaniyaga qaraganda faolroq o‘yin ko‘rsatmoqda.

Bu ketishda Ronaldu o‘tgan mavsumdagi natijasini oktyabr yoki noyabr oyida takrorlashi mumkin.

“Napoli”ga qarshi o‘yinda Krishtianudan ko‘proq pas uzatgan pleymeyker Miralem Pyanich bo‘ldi.

Ronaldu uzun paslarni ham berishni boshladi (bitta o‘yinda 1,3 marta) “Real”da esa bitta o‘yinda 0,4).

Ronaldu o‘zining driblingi bilan butun jamoasini ortidan ergashtira olmayapti ammo, hali ham foydali bo‘lib qolmoqda.”Real”da bo‘lgani kabi “Yuve”da ham eng muhim futbolchiga aylandi.

Allegri ham Ronalduni o‘zgarganligini tasdiqladi desak mubolag‘a bo‘lmaydi.

“Ronaldu o‘z o‘yinidan zavq olmoqda, jamoaga juda yaxshi moslashib ketdi. Assisentlik qilish unga xuddi gol urishdek yoqadi. U bugun bir nechta a’lo to‘p oshirishlarni amalga oshirdi, demak, u to‘g‘ri yo‘ldan ketyapti”, - dedi italiyalik mutaxassis.

Ronaldu yilning eng yaxshi futbolchisi bo‘la olmaganligi, uning golini chiroyli deb topilmagani

portugaliyalik futbolchini yanada kuchli qilsa ajabmas. 33 yoshli futbolchi hatto terma jamoa o‘yinlarini qoldirib jamoasini ustun qo‘ymoqda. Demak uning maqsadlari yuqori. U hali chempionlar ligasida gol urolmadi. Biroq, ichki chempionatda o‘zini bor javhalarda ko‘rsatishga harakat qilyapdi. U “Yang Boyz”ga qarshi o‘yinda maydongan tushmaydi. Biroq, o‘zining sobiq jamoasi “Manchester Yunayted”ga qarshi o‘yinga tushishi aniq. Balki o‘shanda haqiqiy Ronalduni ko‘rarmiz.

Abror Eshonxonov