Кеча бўлиб ўтган “Ювентус” – “Наполи учрашувида Криштиану Роналду гол уролмади. Лекин, барча голларда иштирок этди (иккита ассист ва Манжукични қулай вазиятга олиб чиқди.

Роналду жорий мавсум 4 та голли узатмани амалга ошириб “А” серияда етакчига айланиб олди. “Реал”да уни эгоизмда айблашарди – Криштиану жамоаси ғалаба қозониб, ўзи гол уролмаса жаҳли чиқарди.

Мавсум стартида Роналду ўзгаргани яққол кўриниб турибди. Буни ҳатто рақамлар ҳам тасдиқлаб исботлайди.

Шубҳасиз португалиялик футболчи Италияда Испанияга қараганда фаолроқ ўйин кўрсатмоқда.

Бу кетишда Роналду ўтган мавсумдаги натижасини октябрь ёки ноябрь ойида такрорлаши мумкин.

“Наполи”га қарши ўйинда Криштианудан кўпроқ пас узатган плеймейкер Миралем Пьянич бўлди.

Роналду узун пасларни ҳам беришни бошлади (битта ўйинда 1,3 марта) “Реал”да эса битта ўйинда 0,4).

Роналду ўзининг дриблинги билан бутун жамоасини ортидан эргаштира олмаяпти аммо, ҳали ҳам фойдали бўлиб қолмоқда.”Реал”да бўлгани каби “Юве”да ҳам энг муҳим футболчига айланди.

Аллегри ҳам Роналдуни ўзгарганлигини тасдиқлади десак муболаға бўлмайди.

“Роналду ўз ўйинидан завқ олмоқда, жамоага жуда яхши мослашиб кетди. Ассисентлик қилиш унга худди гол уришдек ёқади. У бугун бир нечта аъло тўп оширишларни амалга оширди, демак, у тўғри йўлдан кетяпти”, - деди италиялик мутахассис.

Роналду йилнинг энг яхши футболчиси бўла олмаганлиги, унинг голини чиройли деб топилмагани...

Португалиялик футболчини янада кучли қилса ажабмас. 33 ёшли футболчи ҳатто терма жамоа ўйинларини қолдириб жамоасини устун қўймоқда. Демак унинг мақсадлари юқори. У ҳали чемпионлар лигасида гол уролмади. Бироқ, ички чемпионатда ўзини бор жавҳаларда кўрсатишга ҳаракат қиляпди. У “Янг Бойз”га қарши ўйинда майдонган тушмайди. Бироқ, ўзининг собиқ жамоаси “Манчестер Юнайтед”га қарши ўйинга тушиши аниқ. Балки ўшанда ҳақиқий Роналдуни кўрармиз.

Аброр Эшонхонов