Eurosport nashri Kamerun terma jamoasi va Barselona klubi sobiq futbolchisiSamyuel EtoʼO haqida maqola chop etdi va unda futbolchining o‘z vaqtidaToshkentning Bunyodkor klubida o‘ynashi mumkin bo‘lganiga ham to‘xtaldi.
“Men master-klass o‘tash uchun Toshkentga borgandim. Ular jamoada 2-3 oy o‘ynab berishim uchun 25 mln dollar taklif qilishdi. Bu taklifdan boshim aylanib qolgandi.
Barselonadagilar o‘zimdan so‘ramasdan turib, mana shunday gap-so‘zlarni tarqatishganidan xafa bo‘lgandim. Ular meni O‘zbekiston klubiga sotib yuborishmoqchi edi. Men esa qolishimni va bu ishlari uchun uzr so‘rashlarini talab qildim”, deya gapirib o‘tgan EtoʼO TF1 telekanaliga bergan intervyusida.
Ma’lumot uchun, Samyuel EtoʼO faoliyati davomida Barselonadan tashqari, Real Madrid, Malyorka, Inter, Chelsi, Anji kabi bir qator jamoalar safida to‘p surgan. Barselona bilan 3 marta (2005, 2006, 2009) Ispaniya chempioni, 2 karraYevropa chempionlar ligasi g‘olibligini qo‘lga kiritgan. Shuningdek, Inter bilan bir marta Italiya chempioni (2010) va bir marta (2010) YECHL g‘olibi bo‘lgan. Terma jamoa tarkibida 2000 yilda Olimpiada chempioni, 2000 va 2002 yillarda Afrika millatlar kubogi bosh sovrinini qo‘lga kiritgan.
