Xabaringiz bor, Garet Beyl endi pik formasiga chiqganida doim jarohat olaveradi. Biz buning sabablarini o‘rganib chiqmoqchi bo‘ldik.

Kecha bo‘lib o‘tgan Madrid derbisida “Real” yarim himoyachisi Garet Beyl uchrashuvning 40-daqiqasida oqsoqlandi va ikkinchi bo‘limda maydonga tushmadi.

Bu jarohat yana oyoq mushaklariga bog‘liq bo‘lishi mumkin. Futbolchining daxshatli onlari yana boshlanmoqda. So‘nggi uchta mavsumda uelslik futbolchi jarohati tufayli kamida ikki yoki uch oy maydonga tushmadi.

O‘tgan mavsum Beyl oyog‘ mushaklaridan jarohat olgani bois ikki haftaga safdan chiqgandi. Shundan so‘ng u ancha o‘ziga kelolmay yurdi. 

16/17 mavsumda Beyl jarohat olish bo‘yicha rekord o‘rnatdi, oyog‘ mushakidan (yarim oyga), sonidan (bir haftaga) va to‘pig‘idan olgan jarohatiga ikki yarim oy sarfladi. 

Jarohatlar Beylning butun faoliyatiga jiddiy ta’sirini o‘tkazmoqda. Uelslik futbolchi 26 yoshga kirdi va uning muammolari yanada jiddiylashdi. 

 Uning tanasi kuchsiz va bajarayotgan ishiga mos kelmaydi.

Buni u bilan birgalikda “Tottenxem”da ishlagan Xuande Ramos ham tasdiqladi.

“Beyl ko‘proq birdaniga tezlashib ketganligi tufayli jarohat oladi. O‘ylaymanki, jarohatlarga uning ruhiyatiga hech qanday dahli yo‘q. Mashg‘ulotlarni mukammal o‘tkazmaslik va sovuq ob-havo paylar cho‘zilishiga va jismoniy holatda muammolar kuzatilishiga olib keladi. Lekin, jarohatlar tassodifan kelib qolishi ham mumkin.

Bunday vaziyatlarda hech narsa qilib bo‘lmaydi. Agar futbolchi tezkor, kuchli va yuqori jismoniy holatda bo‘lsa har qanday kontakt jarohatga olib keladi”, - deydi Ramos.

 Hozircha Beylga nima bo‘lgani aniq emas, jarohatning tafsilotlari ertaga yoki dushanba kuni aniq bo‘lishi mumkin. Marca nashrining xabariga ko‘ra, 26 yoshli futbolchi “Alaves” va SSKAga qarshi uchrashuvni o‘tkazib yuboradi.

Abror Eshonxonov