"Lokomotiv" yarim himoyachisi Sardor Rashidov Superligasining 25-turi doirasida "Buxoro"ga qarshi o‘yindan oldingi fikrlari bilan o‘rtoqlashdi.

- "Buxoro"ga qarshi o‘yin uchun tayyogarlik yaxshi bo‘lmoqda. Bu bahs biz uchun juda ham muhim. G‘alaba bizni chempionlikka yanada yaqinlashtiradi. Futbolchilar o‘yinga tayyor holatda. Bo‘lajak o‘yinda bor kuchimiz bilan maydonga tushamiz.

"Paxtakor"ga qarshi o‘yinda olgan jarohatim hozirda ancha yaxshi bo‘lib qolgan. Jamoaning navbatdagi o‘yinlariga tayyor bo‘laman. Qolaversa oldinda milliy termaning o‘yinlari kutib turibdi. Shuningdek, "Lokomotiv" Superliga doirasida "Navbahor" va "Paxtakor" jamoalariga qarshi kuchli o‘yinlar kutib turibdi. Ushbu bahslarga tayyor bo‘lib, jamoaga yordam berishga harakat qilaman.

Jarohat jiddiy bo‘lgandi. Ko‘proq muddatga safdan chiqqan bo‘lsam kerak deb o‘ylagandim. Shifokorlar bilan ancha harakat qilib, buni tezroq davolashga harakat qildik. Hozirda yaxshi holatdaman. Shuning uchun ham jamoaga qo‘shilib yugurishni, keyingi o‘yinlarga tayyorlanishni boshladim.

13 oktyabr kuni KXDR termasiga qarshi bahs olib boramiz. Bu terma juda ham yaxshi saviyada. Shaxsan o‘zim KXDR termasiga qarshi ikki-uch marta o‘yin o‘tkazganman. Qo‘ldan kelgancha harakat qilib, g‘alaba qozonishga va muxlislarning, yangi bosh murabbiyimiz Ektor Kuperning yuzini yorug‘ qilishga harakat qilamiz.