Xabaringiz bor, 6-13 oktyabr kunlari Indoneziya poytaxti Jakarta shahrida III Paraosiyo o‘yinlari bo‘lib o‘tadi. Ushbu musobaqada o‘zbekistonlik paralimpiyachilar ham ishtirok etadilar.

Bugun Paralimpiyachilarimiz Jakartaga tantanali ravishda kuzatildi. Avvaliga O‘zbekiston Milliy paralimpiya assosiasiyasida sportchilar uchun bayram dasturxoni yozildi.

So‘ngra Islom Karimov nomidagi Toshkent xalqaro aeroportida Paraosiyo o‘yinlarida yurtimiz sharafini himoya qiluvchi sportchilarimizni tantanali kuzatish marosimi o‘tkazildi.

Marosimida Milliy olimpiya qo‘mitasi, Milliy Paralimpiya assosiasiyasi vakillari ishtirok etdi.

Eslatib o‘tamiz, III Paraosiyo o‘yinlarida O‘zbekiston terma jamoasi tarixda ilk marotaba 54 nafar sportchi bilan ishtirok etadi. Hamyurtlarimiz sportning beshta turi: pauerlifting, dzyudo, o‘q otish, suzish va yengil atletika bo‘yicha bahslarda o‘z omadlarini sinab ko‘rishadi.

Milliy olimpiya qo‘mitasi ushbu musobaqada paralimpiyachilarimizga muvaffaqiyatli ishtirok etib, yurtimizga yorug‘ yuz bilan qaytib kelishlarini tilab qoladi.