O‘zbekiston Respublikasi Vazirlar Mahkamasining 2018 yil 2 iyundagi “Sport turlari bo‘yicha ixtisoslashtirilgan davlat maktab internatlari faoliyatini takomillashtirish to‘g‘risida”gi 410-sonli Qarori hamda, O‘zbekiston futbol assosiasiyasining 2018 yil 3 avgustdagi “Hududiy bolalar va o‘smirlar futbol akademiyalariga qabul qilish bo‘yicha” 128-i/ch sonli buyrug‘ining ijrosini ta’minlash maqsadida respublikamizning barcha hududlari bo‘ylab akademiyalarga qabul jarayoni bo‘lib o‘tgani hamda rasmiy sahifamiz orqali respublikadagi har bir akademiya haqida ma’lumot berib o‘tishimiz haqida xabar bergan edik.

Hududiy bolalar va o‘smirlar futbol akademiyalariga bolalar 11 yoshdan boshlab qabul qilinadi. Imtihonlar 4 yo‘nalish bo‘yicha topshiriladi.

- o‘yin amaliyoti;
- jismoniy sifatlar;
- texnik sifatlar;
- tezkor fikrlash.

Yuqoridagi imtihonlardan muvaffaqiyatli o‘tgan bolalar o‘quv dargohiga qabul qilinadi va ularning ota-onalari bilan shartnoma tuziladi.

Respublikaning 12 viloyati hamda Qoraqalpog‘iston bolalar va o‘smirlar futbol akademiyasiga imtihonlar 4 avgustdan 22 avgust kuniga qadar davom etdi. 2001-2007 yillar oralig‘ida tug‘ilgan, futbolga ixlosmand bolalar va o‘smirlar 2 bosqichdan iborat imtihonlarni topshirdilar. Har bir yil bo‘yicha imtihonlarni eng muvaffaqiyatli topshirgan futbolchilar akademiyalarga qabul qilindi. Hududiy bolalar va o‘smirlar futbol akademiyalariga qabul qilingan bolalar noyabr oyida poytahtda tashkil etilgan musobaqada viloyat terma jamoasi safida ishtirok etadilar hamda, ulardan eng iqtidorlilari Respublika bolalar va o‘smirlar futbol akademiyasida o‘qishini davom ettirish imkoniyatiga ega bo‘ladi.

Bugun Toshkent bolalar va o‘smirlar futbol akademiyasi haqida ma’lumot olishingiz mumkin.
 
- Toshkent bolalar va o‘smirlar futbol akademiyasiga har bir yosh toifasidan 22 nafardan umumiy 154 nafar o‘quvchi qabul qilindi;
 
- Akademiyada o‘qish jarayoni 2018 yilning 5 sentyabr kunidan boshlandi;
 
- har 3 oyda akademiya rezervi uchun kirish imtihonlaridan o‘ta olmagan yoki umuman imtihonda qatnashmagan bolalar uchun qayta imtihonlar o‘tkaziladi;
 
- har 6 oyda Respublika akademiyasiga o‘qishga o‘tgan yoki akademiyada fanlarni o‘zlashtira olmay imtihondan yiqilganlarni o‘rnini to‘ldirish uchun uchun qaytadan akademiya rezervidan sportchilar saralab olinadi;
 
- Akademiya direktori: Axmatgaleev Flbert Fanaveevich;
 
- Akademiya manzili: Toshkent viloyati, Yangiyo‘l tumani, Xalqobod, Vatan mahallasi;
 
- Ma’lumot uchun telefon: +998909595873