Ektor Kuper boshchiligidagi O‘zbekiston milliy terma jamoasi bugundan ikkinchi yig‘inga kirishgani haqida avvalroq xabar bergan edik.

“Championat.asia” nashrining xabariga ko‘ra, terma jamoa tarkibida bitta o‘zgarish bor. Ya’ni “Navbahor” darvozaboni Botirali Ergashevning o‘rniga mashg‘ulotda AGMK kiperi Roman Abdulov qatnashyapti.

O‘FA matbuot xizmati bergan ro‘yxatdan Botirali Ergashev joy olgan edi. Ammo, olingan ma’lumotlarga ko‘ra Botirali Ergashevda jarohat bor va u yaqin kunlarda operasiya qilinadi. Shu sabab, uning o‘rniga oxirgi vaqtlarda Superligada o‘zini ko‘rsatayotgan Roman Abdulov chaqirilgan.