UFC chempioni Xabib Nurmagomedovning menejeri Rizvan Magomedov rossiyalik sportchining Konor Makgregorga qarshi o‘tkazadigan jangidan keyingi rejalarini oshkor qildi.
“Endi hech narsani o‘zgartirib bo‘lmaydi. Zilzila bo‘lib, shaharni yer yutgan taqdirdagina jang qoldirilishi mumkin. Boshqa holatda sizu biz ajoyib jangga guvoh bo‘lamiz. Pul uchun o‘tkaziladigan janglar har doim topiladi.
Bu ertaga jangdan keyin hayot tugaydi, degani emas. Hali superjanglar ko‘p bo‘ladi. Ana shunday janglardan biri Jorj Sen-Pyer hamda Toni Fergyusonga qarshi kechishi mumkin. Makgregorga qarshi jangdan so‘ng biz Fergyuson yoki Sen-Pyer jamoasi bilan muzokaraga kirishamiz”, - dedi Rizvan Magomedov.
