Tailand poytaxti Bangkok shahrida velosportning trek yo‘nalishi bo‘yicha Osiyo kubogi o‘tkazilmoqda.
Musobaqada yurtimiz sharafini Osiyo o‘yinlari sovrindori Murod Xolmurodov himoya qilmoqda.
Quvonarlisi, hamyurtimiz bahslarda uchinchi natijani qayd etdi va bronza medali sohibiga aylandi.
Qayd etish lozimki, mavsum Xolmurodov uchun muvaffaqiyatli kechmoqda. Hamyurtimiz fevral oyida Malayziyada o‘tkazilgan Osiyo chempionatida uchinchi o‘rindan joy olgandi. Indoneziyadagi Osiyo o‘yinlarida esa u kumush medalga sazovor bo‘ldi. Mana endi u Osiyo kubogida muvaffaqiyatli odimlashni davom ettirib, shohsupaga ko‘tarildi.
