Bugun Habib Nurmagomedov va Konor MakGregor o‘rtasida jang bo‘lib o‘tgan bo‘lsa, endi Angliyada futbol bo‘yicha yana bir jang bo‘lib o‘tadi. Ya’ni “Liverpul” “Enfild”da “Manchester Siti”ni qabul qiladi.

Turnir jadvalini boshqarib turgan “shaharliklar” bugun jiddiy sinovni boshidan kechirishi aniq.

Chempionlar ligasida “Napoli”dan mag‘lubiyatga uchragan “mersisaydliklar” ushbu o‘yinga puhta tayyorgarlik ko‘rgan.

Mazkur o‘yinda Gvardiola qo‘l ostidagi jamoa kamida durang uchun o‘ynaydi. Nima bo‘lgan taqdirda ham bugun bizni jiddiy bahs kutib turibdi. Jang davom etadi.

Liverpul – Manchester Siti

20:30, Enfild. Bosh hakam: – Martin Atkinson

Taxminiy tarkiblar:

Liverpul:  Alisson – Aleksander-Arnold, Gomes, van Deyk, Robertson – Veynaldum, Xenderson, Milner – Saloh, Firmino, Mane

Manchester Siti: Ederson – Uoker, Kompani, Stounz, Zinchenko – Bernardu Silva, Fernandinyo, David Silva – Sterling, Aguero, Sane

Maydonga tushmaydiganlar: Oksleyd-CHemberlen – Mangala, Bravo, Delf, de Bryuyne

So‘roq ostida turganlar: Origi, Lallana, Keyta – Mendi, Gyundogan

Abror Eshonxonov