Londonning “Chelsi” klubi yarim himoyachisi Eden Azar “Sautgempton”ga qarshi o‘yindan so‘ng fikrlarini bildirib o‘tdi.
“Biz jozibali o‘yindan va gollardan zavq olib o‘ynayapmiz. Birinchi bo‘limda oson bo‘lmadi, raqib jamoa o‘z imkoniyatidan foydalana olmadi. Birinchi golni urishda omadimiz kelib qoldi. Lekin, ikkinchi bo‘limga kelib nazorat butunlay bizning qo‘limizga o‘tdi.
Chiroyli futbol o‘ynayotganimiz uchun shunday yaxshi o‘ynayapman. Shunday ruhda o‘ynashda davom etamiz. Shaxsiy maqsadim yo‘q. G‘alaba qozonsak men baxtliman.
Chempionlik haqida o‘ylashga hali erta. G‘alaba qozonish qiyin ekanligini bilamiz. Yetakchilar orasida bo‘lish yoqimli. Balki, avtobusda “Liverpul” “Man Siti” uchrashuvini tomosha qilarmiz”, – deydi Azar.
