Лондоннинг “Челси” клуби ярим ҳимоячиси Эден Азар “Саутгемптон”га қарши ўйиндан сўнг фикрларини билдириб ўтди.
“Биз жозибали ўйиндан ва голлардан завқ олиб ўйнаяпмиз. Биринчи бўлимда осон бўлмади, рақиб жамоа ўз имкониятидан фойдалана олмади. Биринчи голни уришда омадимиз келиб қолди. Лекин, иккинчи бўлимга келиб назорат бутунлай бизнинг қўлимизга ўтди.
Чиройли футбол ўйнаётганимиз учун шундай яхши ўйнаяпман. Шундай руҳда ўйнашда давом этамиз. Шахсий мақсадим йўқ. Ғалаба қозонсак мен бахтлиман.
Чемпионлик ҳақида ўйлашга ҳали эрта. Ғалаба қозониш қийин эканлигини биламиз. Етакчилар орасида бўлиш ёқимли. Балки, автобусда “Ливерпуль” “Ман Сити” учрашувини томоша қилармиз”, – дейди Азар.
