«Barselona» bosh menejeri Xosep Segura yarim himoyachi Arturo Vidalni jamoadoshlariga nisbatan hurmatsizlik qilganlikda aybladi. Chililik futbolchi ijtimoiy tarmoqlar orqali kam o‘yin amaliyotiga ega bo‘layotganiga nisbatan bir necha marta norozilik bildirgandi.

«Vidal bilan bog‘liq vaziyatda hammasi tushunarli. Birinchi navbatda, u o‘zining fikrlari orqali "Barselona" safida o‘ynash, jamoa bilan barcha sovrinlarni yutib olish ishtiyoqi borligini namoyish qildi. Ammo, boshqa tomondan, u o‘zini professionallardek tutmayapti, murabbiy va jamoaga nisbatan hurmatsizlik qilyapti. Bu masalaning salbiy tomoni.

Tarkibida ajoyib professionallar yig‘ilgan «Barselona»dek ulkan jamoada Vidal nohaq ekanini biladi. U jamoadoshlariga nisbatan hurmatsizlik qildi. Lekin, ishonchim komil, u o‘zgaradi», – dedi Segura.

Vidal yozgi transfer paytida «Bavariya»dan «Barselona»ga o‘tgandi.