Shimoliy Koreyaga qarshi o‘yin oldidan o‘tkazilgan matbuot anjumanining birinchi qismida O‘zbekiston MTJ bosh murabbiyi Ektor Kuper hamda futbolchi Anzur Ismoilovlar ishtirok etdi.

Ektor Kuper: Avvalo shuni aytishni istardimki bu o‘yin biz uchun sinovdir. Oldingi o‘yinlar bilan farqini solishtiramiz.

O‘sish bormi, kamchiliklar bartaraf etilyaptimi shuni o‘rganamiz. Ushbu o‘yinda yangi o‘yinchilarni jamoa tarkibida ko‘rasiz.

Hujumkor o‘yin ko‘rasiz deb ayta olmayman. Men natija olib keladigan o‘yin ko‘rishni xohlayman. Himoyaviy o‘yin sizga yoqmasligi mumkin lekin men natija ko‘rsatadigan taktika tanlashga harakat qilaman.

Murabbiyning tanlovi borasida doim tushunmovchilik bo‘lishi mumkin va bosh murabbiy o‘z tanlovini asoslab berishga majbur emas.

Kimdir klubda zo‘r o‘ynashi mumkin lekin terma jamoaning o‘yin uslubiga mos kelmasa, u o‘yinchi foyda keltirmaydi. Shu narsani tushunishingizni istardim.

Shu kungacha o‘ynagan o‘yinchilar terma jamoaning asosi deya olmayman. Biz Osiyo kubogiga boradigan o‘yinchilarni noyabr oyidagi yig‘inda tanlab olamiz.

Men oylik bermayman, balki ishim uchun oylik olaman. Federasiya bilan hech qanday muammoyimiz yo‘q. Shartnoma shartlari to‘liq tartibda bajarilmoqda.

Anzur Ismoilov: Terma jamoamizda kayfiyat a’lo darajada. Terma jamoa to‘liq yig‘ildi va biz bosh murabbiy ko‘rsatmalarini amalga oshirishga harakat qilamiz.